Vdesin dy të reja pasi u përmbytet gomonia në lumë

Dje, të dielën, në lumin Aare, në regjionin e Bernës (Belp) janë mbytur dy vajza pasi që është fundosur barka e tyre prej gome. Këtë njoftim e kanë bërë sot prokuroria Bern-Mittelland dhe Policia Kantonale.

Vdekja e tyre është konstatuar në spitalin e Bernës ku ato janë dërguar pas aksidentit.

Dy femrat po lundronin me barkën e tyre prej gome në lumin Aare në Belp bashkë me një grup ku bënin pjesë një numër lundruesish me barka gome. Fatkeqësia ka ndodhur kur gomonia e dy vajzave fatkëqia është përplasur në njërën nga shtyllat e urës (Auguetbrücke) dhe është fundosur.

Ndonëse dy vajzat ishin nxjerrë nga uji të gjalla dhe ishin dërguar në spital, ato kanë ndërruar jetë duke mos mundur t`u përballojnë plagëve të marra.