Vdes zvicerania më e moshuar, në moshën 111 vjeçare

Të hënën ka vdekur Nina Hofer-Lustemberger zvicerania më e moshuar, pak ditë para se t`i mbushte 111 vjet. Sipas njoftimit të familjes ajo ka lënë pas vetes pesë fëmijë, shumë nipër e stërnipër.
Lustenbereger ka lindur më 28 Nëntor 1904 në një familje të madhe në Nottwil të Kantonit të Lucernit. Nga viti 1928 ka jetuar në Kriens ku ka udhëhequr me bashkëshortin e saj një fermë për 60 vite. Nga viti 1987 ajo kishte mbetur e vejë ndërsa në vitin 2000 ishte vendosur në një shtëpi të pleqve, shkruan nlz.ch.
Pas vdekjes së saj, personat më të moshuar në qytetin e Lucernit janë një grua e lindur në vitin 1910 dhe tre burra të lindur në vitin 1911.
Nina Hofer-Lustemberger ka qenë më e moshuara në mesin e zviceranëve dhe zviceraneve. Ndërsa zvicerania që ka jetuar më së gjati në të gjitha kohët ka qenë Rosa Rein, e cila kishte vdekur në Lugano në muajin dhjetor 2010 pak pa i bushur 113 vjet.