Vazhdon trendi treshifror i rasteve në Zvicër: 134 infeksione të reja

Numri i infeksioneve me koronavirus në 24 orët e kaluara ka qenë 134 persona. 116 raste të reja ishin raportuar dje (të enjten) ndërsa 137 të mërkurën

Edhe sot në Zvicër dhe Lihtenshtajn ka vazhduar trendi treshifror i numrit të infeksioneve, i filluar dy ditë më parë, shkeruan srf.ch.

Numri i infeksioneve me koronavirus, sipas Zyrës Federale të Shëndetit Publik (BAG), në 24 orët e kaluara ka qenë 134 persona, transmeton albinfo.ch. 116 raste të reja ishin raportuar dje (të enjten) ndërsa 137 të mërkurën.

Numri i regjistruar të mërkurën ishte mbi dyfish më i lartë se ai i të martës (62) dhe përbënte një rritje drastike.

Gjithsej 32.101 njerëz deri më tash kanë rezultuar pozitivë nga testimi për virusin e ri të koronës.

1686 veta kanë vdekur deri më sot si pasojë e infeksionit me koronavirus.

Shifrat bazohen në informacionin që laboratorët dhe mjekët i kanë dorëzuar BAG-së deri në mëngjesij e sotëm, si pjesë e detyrimit për raportim. Publikohen vetëm rastet për të cilat është në dispozicion një konfirmim i qartë laboratorik.

---