“United FestivAlb” bashkon diasporën shqiptare në Nju-Jork

Festivali dyditor mbahet më 16 dhe 17 maj me 23 artistë shqiptarë

Në zemër të Nju-Jorkut, më 16 dhe 17 maj 2026, do të mbahet festivali “United FestivAlb”, një nga ngjarjet më të mëdha që synon të bashkojë diasporën shqiptare në Amerikën e Veriut, përcjell albinfo.ch.

Me pjesëmarrjen e 23 artistëve shqiptarë dhe nën prezantimin e Alketa Vejsiut, festivali pritet të mbledhë mijëra shqiptarë nga shtete të ndryshme të SHBA-së dhe Kanadaja, duke u shndërruar në një simbol të unitetit, kulturës dhe krenarisë kombëtare.

Organizatorët theksojnë se “United FestivAlb” shkon përtej muzikës, duke synuar të lidhë brezat dhe të promovojë identitetin shqiptar në një skenë ndërkombëtare./Albinfo.ch

---