Bota
Ulerike Lunacek mbetet jashtë parlamentit!
Sipas rezultateve preliminarë, të Gjelbrit fituan 3.9%, me çka nuk mund të bëhen pjesë e parlamentit të ardhshëm (pragu zgjedhor: 4%)
Zgjedhjet parlamentare të mbajtura të dielën në Austri kanë nxjerr rezultate befasuese. Teksa në kampin e Partisë ÖVP të Sebastian Kurz shihen lot gëzimi për fitoren e zgjedhjeve, në kampin e Partisë së Gjelbër të udhëhequr nga Ulerike Lunacek kishte lot dëshpërimi.
Sipas rezultateve preliminarë, të Gjelbrit fituan 3.9%, me çka nuk mund të bëhen pjesë e parlamentit të ardhshëm (pragu zgjedhor: 4%), shkruan “albinfo.ch”.
Për kandidaten Lunacek, mike e dëshmuar e Kosovës dhe e shqiptarëve. ky rezultat është një dështim dhe fatkeqësi. Në vitin 2013 partia e saj kishte arritur rezultatin më të mirë në historinë e vet, ndërsa vetëm katër vite më vonë, në zgjedhjet e 2017-tës, të gjelbrit nuk janë në parlament. Që nga viti 1986, kjo është hera e parë që kjo parti mbetet jashtë parlamentit.
Por fajtori i gjithë kësaj disfate duket se është gjetur menjëherë. Ai është Peter Pilz, i cili kohë më parë u nda nga partia e ambientalistëve dhe krijoj partinë e tij “Lista Pilz”, shkruan albinfo.ch duke iu referuar mediave austriale. “Janë bërë shumë gabime gjatë kohëve të fundit, një prej tyre sigurisht është edhe ndarja me Peter Pilz” ka thënë për heute.at, Albert Steinhäuser nga partia e Gjelbër.
Kandidatja për kryeministër Ulerike Lunacek e quajti këtë rezultat një disfatë të madhe, por ajo shpreson në numërimin përfundimtar të fletave të votimit dhe rezultatit përfundimtar që pritet të dalin ditën e enjte.
Ulrike Lunacek për shumë vite me radhë ka qenë nënkryetare e Parlamentit Evropian dhe Raportuese për Kosovën
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?