Bota
Udhëheqësit botërorë dakordohen për pak gjëra në samitin e G20-tës
Në takimin e udhëheqësve botërorë të mbledhur këtë javë në Argjentinë, Presidenti Donald Trump u shfaq me tematikën e politikës së tij të jashtme “Amerika e Para”. Rezultati ishte një samit me pak marrëveshje të arritura. Siç njofton nga Buenos Aires korrespondenti i Zërit të Amerikës Bill Gallo, në samitin shumëpalësh mbizotëroi ndërveprimi dypalësh.
Megjithë valën në rritje të nacionalizmit në mbarë botën, në samitin e G20-tës në Argjentinë u bë një përpjekje për bashkëpunimin ndërkombëtar.
Çështjet e debatueshme, si emigracioni dhe tregtia, përgjithësisht u shmangën. Për ndryshimet klimatike, SHBA-ja thjesht doli kundër të gjithëve.
Në një intervistë me shërbimin në gjuhën spanjolle të Zërit të Amerikës, Sekretari i Shtetit Mike Pompeo tha se Shtetet e Bashkuara vazhdojnë të jenë të përkushtuara ndaj bashkëpunimit ndërkombëtar, shkruan VOA, përcjell Albinfo.ch.
“Krijimi i prosperitetit për çdo qytetar të botës. Krijimi i rregullave që e mundësojnë këtë gjë. Këto janë temat e përbashkëta. Ndonjëherë debatojmë për mënyrat se si t’i realizojmë këto. Por, të gjithë synojmë të njëjtat objektiva”, tha Sekretari Pompeo.
Por, ndërsa vendi më i fuqishëm i botës bën haptazi thirrje që interesat kombëtare të kenë përparësi, disa vende më të vogla shqetësohen për dobësimin e institucioneve ndërkombëtare.
“Nuk është gjë e mirë për ne, pasi jemi vend i vogël dhe na duhen rregullat që t’ja dalim më mirë. Nëse mbetemi me vetëm politikën e forcës, atëherë do dalim humbës”, thotë Roberto Bouzas, profesor i ekonomisë në Universitetin e San Andreas.
Mes jodakortësive, më shumë ranë në sy takimet dypalëshe.
Princi i kurorës saudite, Mohammed bin Salman, shfrytëzoi G20-ën për të rehabilituar imazhin e tij pas vrasjes së gazetarit Jamal Khashoggi.
Presidenti Trump dhe ai kinez Xi Jinping shfrytëzuan mundësinë për të ulur tensionet SHBA – Kinë, shkruan VOA, përcjell Albinfo.ch.
Por, Presidenti Trump anulloi takimin e shumëpritur me Presidentin rus Vladimir Putin, për shkak të agresionit të Moskës ndaj Ukrainës.
Në përfundim, një forum i krijuar për të forcuar unitetin ndërkombëtar, ndoshta do të mbahet më shumë mend për mungesën e unitetit.
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë