UBS paguan dënim prej 1.5 miliardë dollarësh

UBS është njëra nga disa banka kreditore aktualisht nën hetime lidhur me manipulime të mundshme të marrëveshjes për Shkallën e Ofruar Ndërbankare në Londër (Libor)

Gjiganti bankar zviceran UBS është pajtuar të paguajë gjobë në shumë prej 1.5 miliardë dollarësh për zgjidhjen e hetimeve lidhur me manipulimet e kufijve të shkallës së kamatave, që janë përdorë nga huadhënësit në mbarë botën.

UBS ka shpallur sot se bordi i saj i drejtorëve ka autorizuar arritjen e zgjidhjes me agjencitë rregullatore të Zvicrës, Britanisë dhe Shteteve të Bashkuara, transmeton ReL.

UBS është njëra nga disa banka kreditore aktualisht nën hetime lidhur me manipulime të mundshme të marrëveshjes për Shkallën e Ofruar Ndërbankare në Londër (Libor).

Në muajin qershor, agjencitë në Shtetet e Bashkuara dhe në Britani kanë imponuar gjoba në shumë prej 450 milionë dollarë për kompaninë Barclays për paraqitjen e të dhënave të rrejshme, të shfrytëzuara për aranzhim ndaj marrëveshjes Libor.