Trafiku i linjave ajrore në SHBA, në rritje

Trafiku i linjave ajrore të pasagjerëve në SHBA vazhdon të ketë rritje pas pandemisë së koronavirusit, por është akoma poshtë krahasuar me nivelet në vitin 2019.

Departamenti i Transportit në SHBA tha të martën që linjat ajrore transportuan 21.4 milionë pasagjerë në korrik, nga 16.5 milionë në qershor, por përsëri kjo është një ulje prej 73% krahasuar me nivelet e korrikut 2019.

Të premten Administrata e Sigurisë së Transportit kontrolloi 968.673 njerëz në pikat e kontrollit të aeroportit, numri më i lartë ditor që nga 16 mars, shkruan “Reuters”, përcjell albinfo.ch.