Tirana i vë emrin “Ukraina e lirë” rrugës ku ndodhet ambasada ruse

Kryeqyteti shqiptar Tirana kërkon të riemërtojë një pjesë të rrugës në lagjen e ambasadave me emrin “Ukraina e lirë”. A duhet të ndryshojnë diplomatët rusë tani kartëvizitat e tyre?"

Slogani “Ukraina e lirë” së shpejti do të duhet të printohet në kartëvizitat e diplomatëve rusë në Shqipëri. Kryetari i Bashkisë së Tiranës ka njoftuar se do të riemërtojë një pjesë të rrugës në rrethin e ambasadave për të treguar solidarizimin me Ukrainën, transmeton albinfo.ch. Ambasadat e Ukrainës dhe Rusisë janë në këtë rrugë, ashtu si dhe ambasadat e Serbisë dhe Kosovës.

“Kjo rrugë do të përcaktojë qytetin tonë”, ka shkruar kryebashkiaku Erion Veliaj në Twitter, duke njoftuar dërgesat e ndihmave në zonën kufitare ukrainas-polake, ka shkruar spiegel.de. Veliaj është deputet i Partisë Socialiste të Shqipërisë dhe është kryetar i Bashkisë së Tiranës që nga viti 2015.

Lituania po proteston gjithashtu kundër luftës në Ukrainë duke ndryshuar një emër rruge në kryeqytetin Vilnius. Autoritetet kanë njoftuar se do të pagëzojnë zyrtarisht si “Rruga e Heronjve të Ukrainës” një shteg pa emër që më parë të çonte në ambasadën ruse.

Këtë e ka bërë të ditur kryetari Remigijus Šimašius, përcjell albinfo.ch. Ai, me këtë veprim dëshiron t’i thotë presidentit rus Vladimir Putin se ukrainasit ekzistojnë vërtet dhe se ata janë heronjtë e vërtetë.

---