Kuriozitete
TikTok synon futjen e video lojërave në kuadër të bisedave
TikTok po kryen një sërë testesh për të përfshirë lojërat në biseda (chat), me synimin për të rritur kohën që njerëzit kalojnë në platformë.
Lajmi, i publikuar nga Reuters, do të përfaqësonte një pikë kthese të rëndësishme në treg për aplikacionin, i cili prej muajsh po ndien presionin e konkurrencës së Meta-s, mbi të gjitha të Instagram.
Sipas analizave të fundit të Business of Apps, TikTok arriti 1,2 miliardë përdorues aktivë në muaj në fund të vitit 2021 dhe parashikohet të arrijë në 1,5 miliardë brenda fundit të vitit 2022.
Një test i projektit të videolojërave është kryer tani në Vietnam, vend ku përdorimi i aplikacionit është shumë i lartë, me 70% të qytetarëve të moshës nën 35 vjeç.
Sipas Reuters, shoqëria ka nisur të eksperimentojë lojërat në chat-e që shfrytëzojnë teknologjinë HTML5, e cila ka zëvendësuar me shpejtësi programin Java në shpërndarjen e përmbajtjes dinamike në faqet e internetit.
“Jemi gjithnjë në kërkim të mënyrave për të pasuruar platformën tonë dhe për të testuar rregullisht funksione të reja, që i shtojnë vlerë komunitetit të përdoruesve”, deklaroi një përfaqësues i TikTok për Reuters, përcjell Albinfo.ch.
Në vitin 2021, kompania bleu studion e lojërave Moonton Technology me seli në Shangai, duke konkurruar me Tencent, kompania më e madhe teknologjike kineze dhe ndër pesë të parat në botë. Përfshirja e TikTok në botën e videolojërave pasqyron përpjekjet e ngjashme të bëra nga kolosë të tjerë, të cilët kërkojnë të ruajnë përdoruesit, duke hapur aktivitete të reja biznesi.
Meta prezantoi Instant Games në Facebook në vitin 2016, ndërsa së fundi Netflix shtoi në platformën e vet streaming një katalog me tituj për t’u luajtur në pajisjet me sistem Android.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri