Shqiperia
Themeluesit e lëvizjes Diaspora për Shqipërinë e Lirë takohen me presidentin e Shqipërisë
![](https://www.albinfo.at/wp-content/uploads/2020/08/117325651_3592382474128520_7500026655720446244_n.jpg)
Themeluesit e lëvizjes Diaspora për Shqipërinë e Lirë janë takuar sot me Presidentin e Shqipërisë, Ilir Meta për ta informuar në lidhje me misionin që mendojnë ta realizojnë në vazhdim.
Ky është njoftimi i plotë:
Sot themeluesit e lëvizjes Diaspora për Shqipërinë e Lirë u pritën në një takim formal nga Presidenti i Republikës së Shqipërisë, z. Ilir Meta
Takimi u zhvillua me qëllimin për ta informuar Presidencën mbi misionin dhe aktivitetin që Lëvizja mëton të realizojë në vijimësi.
Gjatë takimit, ndër të tjera vëmendje e veçantë ju kushtua realizimit të së drejtës kushtetuese, votës së shqiptarëve jashtë kufinjve të Shqipërisë si dhe gjithashtu përfaqësimit të drejtpërdrejtë të Diasporës në Parlamentin shqiptar!
Poashtu u shtjellua edhe qasja institucionale e Lëvizjes si dhe aksesi i saj në institucionet ndërkombëtare. Njëkohësisht u shpalos qartë vullneti për të ndjekur në terma afatgjata dhe në mënyrë proaktive proçeset politikbërëse dhe vendimmarrëse brenda Shqipërisë.