Testohen sirenat e alarmit në orën 13:30

Mos bëni panik nëse sot papritmas do të dëgjoni sirenat e alarmit, ngase është vetëm test i rregullt vjetor

Nga ora 13:30 në tërë Zvicrën do të testohet alarm i përgjithshëm në një kohëzgjatje prej një minute.

Alarmi i përgjithshëm aktivizohet në raste emergjente nga rreziqet e përgjithshme të radioaktivitetit apo të katastrofave natyrore. Në raste të tilla qytetarët duhet t’i kthehen radios për të marrë udhëzimet e autoriteteve.

Zvicra ka një rrjet prej 7800 sirenash alarmi. Zyra Federale për Mbrojtjen Civile ka nisur që nga viti 2009 një projekt të pajisjes me sistemin e ri “Polyalert”.

Duke iu falënderuar këtij sistemi mund të dërgoni alarmin nëpërmjet thirrjeve dhe SMS nga telefonat celularë. Përveç kësaj, mund të alarmoheni edhe në trena dhe autobusë. Nga fundi i 2012-s, rreth 500 sirena alarami të sistemit të ri do të instalohen në kantonet Glarus, Valais, Fribourg, Bernë, Neuchâtel-it dhe Jura. Ndërdsa deri në fund të vitit 2015 do të pajiset edhe pjesa tjetër e Zvicrës.