Kuriozitete
Tesla tërheq 6 mijë automjete
Pjesë e tërheqjes janë makinat Model 3 të prodhuara nga viti 2019 deri më 2021 dhe Model Y nga 2020-a deri më 2021
Kompania amerikane e automjeteve, Tesla, po tërheq afro gjashtë mijë automjete të Shteteve të Bashkuara të Amerikës, pasi bulonat e kalibrit të frenave mund të jenë të lirshme.
Agjencia e lajmeve Reuters tregon se në bazë të dokumenteve të bëra publike, ky problem ka potencialin për të shkaktuar një humbje të presionit të gomave.
Pjesë e tërheqjes janë makinat Model 3 të prodhuara nga viti 2019 deri më 2021 dhe Model Y nga 2020-a deri më 2021.
Në një paraqitje të saj pranë Administratës Kombëtare të Sigurisë së Trafikut të Autostradave (NHTSA) nuk kishte raporte të përplasjeve lidhur me çështjen dhe se Tesla do të inspektojë, shtrëngojë ose zëvendësojë bulonat e kalibrit në bazë të nevojës.
Sipas kompanisë, lirimi i bulonave mund të lejonte që kalibri i frenave të ndahet dhe të bjerë në kontakt me skajin e gomës, çka mund të shkaktojë një humbje të presionit të gomave në “rrethana shumë të rralla”.
Gjithashtu kompania ka shtuar se në “ngjarje që vështirë se ndodhin”, ku mund të ketë dëmtime të automjeteve nga një fiksues i lirë ose i zhdukur, do të mundësohet një rregullim përmes një tërheqjeje në pikën më të afërt të shërbimit për riparim.
NHTSA-ja ka thënë se në muajin dhjetor kompania e automjeteve elektrike u bë e vetëdijshme për një incident në terren që përfshinte një automjet Model Y të vitit 2021. Ai kishte mangësi në fiksimin e kalibrit të frenave të pasme në anën e shoferit.
Dhe, që asokohe Tesla ka ndërmarrë masa për të parandaluar lirimin e bulonave në procesin e montimit.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri