Telekomunikacionet zvicerane po ndërpresin shërbimet MMS

Nëse ende përdorni teknologji të vjetër në celularin tuaj, dijeni se ditëve të MMS (Shërbimit të Mesazheve Multimediale) në Zvicër po u vjen fundi, përcjell albinfo.ch.

Pas Swisscom, e cila filloi të heqë dorë nga ky shërbim një vit më parë, një operator i dytë, Salt, po ndjek shembullin.

Arsyeja është se teknologjia 20-vjeçare, e cila përdorej për të transmetuar imazhe dhe video, është vjetëruar me prezantimin e aplikacioneve të reja si WhatsApp.

Sa i përket telekomit të tretë të Zvicrës, Sunrise, ajo tha se nuk ka vendosur ende nëse do të heqë dorë nga teknologjia MMS.