Tare mund të emërohet drejtor sportiv te Milani

Igli Tare po kërkohet nga skuadra e njohur italiane, që ka mbetur pa drejtor sportiv

Massimiliano Mirabelli është larguar edhe zyrtarisht nga drejtori sportiv i Milanit, edhe pse ishte emëruar në këtë post para një viti.

Mediat italiane kanë raportuar se vendin e tij te skuadra e njohur italiane, pritet ta marrë Igli Tare, i cili është drejtor sportiv te Lazio, aty ku edhe po ka shumë suksese, përcjell albinfo.ch.

Gjithashtu emrat e mundshëm për të marrë këtë post te Milani janë edhe Cristiano Giuntoli i Napolit dhe Ariedo Briada i Barcelonës.

Tare është zgjedhur vitin e kaluar si menaxheri i vitit, pasi kishte arritur të marrë shumë futbollistë që kanë kushtuar pak, por më vonë kanë qenë të suksesshëm dhe vlera e tyre në treg është shumëfishuar.

Gjithashtu Lazio është kthyer në një ekip konkurrues në Itali, pa investuar shumë, por duke iu shkaktuar telashe edhe skuadrave të mëdha. E gjitha kjo falë Igli Tares, i cili nuk e ka shprehur dëshirën të largohet, kurse më herët është folur edhe për një kalim në Inter.