Sulm në Gjermani, gjahtari vret anëtarët e familjes e pastaj veten

EPA/THOMAS BANNEYER

Disa persona të vrarë e të plagosur raportohen pas një sulmi që ndodhi në Lautlingen, qytet në Baden-Wuerttemberg të Gjermanisë.

Siç raporton Bild, një gjahtar ka vrarë disa anëtarë të familjes. Gjatë operacionit në shkallë të gjerë në lagjen Lautlingen (pjesë e Albstadt) në Baden-Württemberg, oficerët e policisë gjetën tre të vdekur dhe dy të plagosur rëndë.

Mësohet se të vdekurit janë dy burra dhe një grua. Në mesin e tyre është edhe autori i dyshuar, ka konfirmuar policia, transmeton albinfo.ch. Hetuesit supozojnë se krimi është kryer brenda familjes. Gjithashtu, dy gra u plagosën rëndë dhe u dërguan në spital.

Siguria e qytetarëve nuk është më në rrezik ka bërë të ditur zëdhënësi i policisë së atjeshme.