Bota
Stuhia ‘Florence’ arrin në Karolinë të SHBA-së
Banorët e pjesës më të madhe të Karolinës janë evakuuar, shkollat dhe bizneset janë mbyllur, si dhe rreth 1,500 fluturime janë anuluar
Stuhia e fuqishme, Florence,, ka arritur afër bregdetit të Karolinës, në Shtetet e Bashkuara, çka ka rezultuar me vërshime dhe mungesë të energjisë elektrike për gati 80,000 persona.
Parashikuesit e motit kanë thënë më 13 shtator se kushtet do të përkeqësohen derisa stuhia do të afrohet edhe më shumë më 14 shtator në kufirin mes Karolinës Veriore dhe asaj Jugore.
Erërat, të cilat kanë arritur shpejtësinë e 155 kilometrave në orë dhe shirat e rrëmbyeshëm në ditët vijuese do të rrisin nivelin e ujit, duke përkeqësuar rëndë situatën në këtë zonë.
Mirëpo pavarësisht dëmeve, shpejtësia e erës ka shënuar ulje, pasi më herët gjatë kësaj jave kishte arritur deri në 225 kilometra në orë, shkruan “REL”.
Stuhia Florence aktualisht ka zbritur nga kategoria e katërt në atë të dytë, mirëpo zyrtarët kanë paralajmëruar banorët që kanë treguar optimizëm të shtuar, përcjell albinfo.ch.
“Mos u ndjeni të relaksuar. Mbikëqyrni. Kjo është stuhi e fuqishme që mund t’iu vrasë. Sot kërcënimi bëhet realitet”, ka thënë Guvernatori i Karolinës Veriore, Roy Cooper.
Presidenti amerikan, Donald Trump, ka thënë përmes një postimi në Twitter se zyrtarët e emergjencës dhe ata të ndihmës së parë janë “të furnizuar dhe të gatshëm”.
Banorët e pjesës më të madhe të Karolinës janë evakuuar, shkollat dhe bizneset janë mbyllur, si dhe rreth 1,500 fluturime janë anuluar.
Të ngjashme
Të tjera nga Bota
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj