Lajme
Studiuesit nga Bazeli zbulojnë metodën për të nxirë lëkurën pa u rrezitur
Është fjala për një përbërës aktiv që e bën lëkurën më të errët. Kjo mund të zëvendësojë kremin kundër diellit dhe të mbrojë kundër kancerit të lëkurës
Ata që kanë lëkurë me ngjyrë të çelët, e njohin problemin: Në ditët me diell, këta njerëz marrin djegie nga dielli më shpejt se të tjerët. Prandaj, rreziku nga kanceri i lëkurës është rritur tek njerëzit me lëkurë të bardhë, shkruan srf.ch.
Por, studiuesit në Spitalin Universitar të Bazelit tani kanë zbuluar një mekanizëm për ndryshimin e tonit të lëkurës, transmeton albinfo.ch.
Elisabeth Roider, Mjeke e Lartë në Spitalin Universitar thotë: “Në eksperimentet që kemi zhvilluar ne ishim në gjendje të transformonim llojet e lëkurës nga njerëzit me lëkurë shumë të çelët, flokë bjonde dhe sy blu në lloje të lëkurës krejtësisht tjera, gjegjësisht jashtëzakonisht të errëta sikur te njerëzit nga Afrika”.
Një frenues enzimash, i cili shkakton prodhimin e melaninës, është përgjegjës për këtë ndryshim. “Në varësi të sasisë së melaninës që ka personi, lëkura e tij bëhet më e bardhë ose më e errët,” vazhdon Roider.
Studiuesit në Spitalin Universitar të Bazelit, në bashkëpunim me kolegët nga Universiteti i Harvardit, kanë arritur të rrisin ose zvogëlojnë prodhimin e melaninës duke përdorur frenuesit përgjegjës të enzimës.
Frenuesit e enzimave si mbrojtje nga dielli
Roider sheh mundësi të gjera të përdorimit të metodës së re, përcjell albinfo.ch. Një ditë do të mund të trajtohen njerëzit me shenja të kuqe (të ashtuquajtura shenja “zjarri”) ose njolla të bardha në lëkurë (vitiligo).
Është gjithashtu e imagjinueshme që lëkura e ndritshme e njerëzve të bëhet më e errët gjatë verës, në mënyrë që ata të mbrohen më mirë nga rrezatimi i dëmshëm UV.
Megjithatë, ka ende pyetje pa përgjigje. Testet kanë treguar se efekti zvogëlohet pas rreth dy deri në ti javë, kështu që lëkura bëhet përsëri më e ndritshme, transmeton albinfo.ch. Kjo ngre pyetjen e efikasitetit të terapisë, thotë Roider.
Mbetet gjithashtu e paqartë nëse pacientët e trajtuar zhvillojnë një reaksion alergjik ndaj rritjes së nivelit të melaninës. Të gjitha këto janë pyetje për të cilat duhet gjetur përgjigje.
Të ngjashme
Të tjera nga Lajme
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit