Struga vërshohet sërish nga mërgimtarët e Zvicrës

Mërgimtarët nga Zvicra do të shkojnë për të votuar në raundin e dytë të zgjedhjeve lokale në Republikën e Maqedonisë, që do të mbahen nesër, më 29 tetor

Një numër i madh i mërgimtarëve kanë ardhur nga Zvicra për të votuar në këto zgjedhje, veçanërisht në Strugë, ku në garë janë dy kandidatët shqiptarë Zijadin Sela nga Aleanca për Shqiptarët dhe Ramiz Merko nga BDI.

Albinfo.ch mëson nga Aeroporti i Cyrihut se edhe këtë herë janë organizuar fluturime çarter në drejtim të Ohrit.

Në orët e pasdites një aeroplan i mbushur me mërgimtarë struganë me kompaninë Helvetic do të fluturojnë në drejtim të Ohrit

Rundi i dytë i zgjedhjeve lokale do të mbahen në 35 komuna, në 1.517 vendvotime ku të drejtë vote kanë 833.710 qytetarë.

Në 29 komunat e tjera në Maqedoni në raundin e dytë mund të votojnë 573.616 qytetarë në 1.130 vendvotime.