Shkurt.ch
Spitali Universitar i Lozanës CHUV, ndër 10 më të mirët në botë
I vetmi spital tjetër evropian që është zgjedhur në këtë listë, është Klinika Universitare Charite e Berlinit, që zë vendin e pestë në botë
I njohur me shkurtesën CHUV, Spitali Universitar i Lozanës, sipas magazinës amerikane “Newsweek” zë vend në mesin e 10 spitaleve më të mira në botë. Në fakt, ky spital zë vendin e nüëntë në ranglistën botërore të spitaleve, shkruan sda.ch.
Është interesante se i vetmi spital tjetër evropian që është zgjedhur në këtë listë, është Klinika Universitare Charite e Berlinit, që zë vendin e pestë në botë, transmeton albinfo.ch. Në dy vendet e para janë dy spitale amerokane, gjegjësisht Mayo Clinic në Rocester dhe Cleveland Clinic. Vendi i tretë është zënë nga Singapore General Hospital.
Radhitja është bërë duke u bazuar në anketat e bëra me mjekë dhe punonjës të sektorit shëndetësor nga katër kontinente. Lista është ndërtuar në bashkëpunim me ndërmarrjen për hulumtimin e tregjeve dhe për statistikë, “Statista”.
Dhjetë institucionet e zgjedhura janë dalluar sidomos për përkujdesjen supermoderne të pacientëve, shkruan “Newsweek”. Pastaj, ndër karakteristikat kryesore që janë vlerësuar në këtë rangim kanë qenë aftësia për t`u përballlur me sfidat e sektorit shëndetësor që i nënshtrohet ndryshimeve të shpejta.
Më tutje “Newsweek” vlerëson angazhimin e CHUV për trajnimet që i bën dhe për pozitën e jashtëzakonshme në të ashtuquajturin “Health Valley”, bën të ditur CHUV përmes një komunikate të publikuar të enjten.
Magazina amerikane kujton gjithashtu se CHUV në tetor të vitit 2014 ishte zgjehdur për realizimin e testeve të rëndësishme për një vaksinë kundër sëmundjes Ebola, përcjell albinfo.ch. CHUV është lavdëruar po ashtu edhe për angazhimin në fushë të hulumtimeve dhe për shkëmbimin e dijeve përmes Open_Access-Magazin “In Vivo” që botohet frëngjisht dhe anglisht.
CHUV me 11.000 të punësuar tregon se si një shërbim publik i shtetit, me përkrahjen e një universiteti dinamik mund të zë një vend kulmor në sektorin e përkujdesjes së pacientëve, arsimimit dhe hulumtimeve, ka thënë drejtori i spitalit, Pierre-Francois Leyvraz.
E-Diaspora
-
Krasniqi sonte rikthehet në ring, përballet me boksierin portugez Mësohet se boksieri shqiptar, Robin Haxhi Krasniqi, do të rikthehet sonte në ring pas fitores ndaj...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte