Futboll
Spektakël për Superkupë
Në Stadiumin “Rexhep Rexhepi” u organizua Superkupa Mbarëkombëtare mes Feronikelit dhe Kosova Zurich
Organizuar nga Ministria e Diasporës dhe Investimeve Strategjike e Kosovës, në bashkëpunim me Unionin e Klubeve Shqiptare të Futbollit në Zvicër dhe Federatën e Futbollit të Kosovës, të shtunën në Drenas është zhvilluar finalja e Superkupës mbarëkombëtare.
Në këtë finale janë takuar, Feronikeli si fitues i Kupës së Kosovës, si dhe FC Kosova Zurich, si fituese e Kupës së Diasporës për vitin 2019.
Në këtë ndeshje ku rezultati ishte në plan të dytë, është zhvilluar një lojë e mirë nga të dyja skuadrat, sidomos në fillimin e ndeshjes, derisa më pas Feronikeli ka marrë lojën në duar, duke fituar me rezultat 5:1.
Golat për Feronikelin u shënuan nga Kastriot Rexha, Albert Dabiqaj, Mendurim Hoti në pjesën e parë dhe Haxhi Neziraj e Ardi Qorri në pjesën e dytë.
Golin e vetëm për skuadrën e Kosovës së Cyrihut e ka shënuar Adonit Fetaj në minutën e 50-të.
Në këtë ndeshje më shumë e rëndësishme ishte mikëpritja e vendasve apo edhe atmosfera e mirë gjatë gjithë ndeshjes se sa rezultati i takimit.
Në këtë ndeshje kishte mysafirë nga institucionet e Kosovës dhe diasporës, si dhe Milaim Rama, futbollisti i parë shqiptar që ka luajtur në një Kampionat Evropian.
Pas ndeshjes të dyja skuadrat janë mbledhur në një drekë të përbashkët.
Kosova e Cyrihut është skuadra më e suksesshme shqiptare në Zvicër, ku tani garon në Ligën e Katërt të Zvicrës dhe në ekipin e saj ka lojtarë të të gjitha kombësive.
Kuqezinjtë po përfaqësojnë më së miri shqiptarët në Zvicër, derisa shpresojnë se në të ardhmen do të arrijnë suksese edhe më të mëdha.
Të ngjashme
Të tjera nga Futboll
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl