Sport
Sommer kundërshton spekulimet rreth Shaqirit dhe Xhakës
“Nuk dua fare të flas për lojtarët e veçantë. Ne, me Lichtsteinerin e kemi një kapiten të mirë dhe me Granit Xhakën, një zëvendës kapiten të mirë”
Refuzimi i Xherdan Shaqirit për të luajtur në ndeshjen e ekipit nacional të Zvicrës me Irlandën, vazhdon të jetë temë dite e mediave zvicerane. Ky refuzim, siç është thënë tashmë sa herë, ka ardhur pasi Shaqiri e ka ndier veten të anashkaluar kur trajneri Petkoviç e kishte bërë (zëvendës) kapiten të kombëtares Granit Xhakën dhe jo atë, edhe pse Shaqiri ishte më i vjetër dhe kishte më shumë ndeshje të luajtura për Zvicrën, shkruan albinfo.ch.
Në këtë debat ndërkohë mediat e kanë përfshirë edhe portierin numër një të Nati-t, Yann Sommer. Emri i tij është përmendur si kandidat “konsensual” për titullin e kapitenit, nisur nga performanca, stabiliteti që ka në ekip dhe mosha. Sipas disa mediave, ai është anashkaluar pa të drejtë nga trajneri, kur ky e ka shpallur zëvendës kapiten Xhakën dhe jo Sommerin
Në këtë kontekst, gazeta Blick e ka intervistuar portierin e shquar, duke e pyetur rreth çështjes tashmë famoze të titullit të kapitenit dhe pretendimeve eventuale të tij për këtë titull. Por Sommer ka hedhur poshtë të gjitha këto, duke i quajtur supozime dhe thashetheme, shkruan albinfo.ch.
“Thjesht, Petkoviç pas Botërorit 2018 ka emëruar Lichtsteinerin kapiten ndërsa Xhakën zëvendëskapiten të ekipit. Kjo është e tëra dhe nuk ka pse diskutohet”, ka thënë Sommer. Unë ndihen në përgjithësi si lider në këtë ekip, si me titull të kapitenit, si pa të. Fundja është punë e trajnerit se çfarë hierarkie dëshiron të ketë. Nuk ka çfarë të thuhet më shumë rreth kësaj”.
Ai po ashtu ka kundërshtuar pretendimin e gazetarit se Shaqiri i ka bërë vërejtje Petkovicit, në prani të lojtarëve tjerë, për faktin që nuk e ka bërë atë ndihmës kapiten. “Kjo nuk qëndron, absolutisht. Nuk duhet të flasim për gjëra të tilla, kjo është marrëzi absolute”, është shprehur Sommer.
Ndërsa i pyetur nëse e kupton zemërimin e Shaqirit, Sommer përgjigjet: “Nuk dua fare të flas për lojtarët e veçantë. Ne, me Lichtsteinerin e kemi një kapiten të mirë dhe me Granit Xhakën, një zëvendës kapiten të mirë”.
Të kujtojmë: Granit Xhaka është zëvendës kapiten i ekipit zviceran ndërsa ka bartur shiritin e kapitenit në dy ndeshjet e fundit pasi që ka munguar kapiteni Lichtsteiner.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Pianistja shqiptare mban koncert recital në Washington DC
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja