Sllovenia dhe Kroacia, për anëtarësimin e Ballkanit Perëndimor në BE

Sllovenia dhe Kroacia do të vazhdojnë të punojë për anëtarësimin e Ballkanit Perëndimor në BE, duke kontribuar kështu në forcimin e besimit dhe stabilitetit në rajon

“Sllovenia mbështet procesin e zgjerimit dhe është e qartë se rajoni tashmë i përket BE-së. Megjithatë, Sllovenia kërkon që vendet e Ballkanit Perëndimor të zbatojnë reformat për ndërtimin e institucioneve, për të forcuar sundimin e ligjit dhe për të luftuar korrupsionin dhe krimin e organizuar”, tha të shtunën ministri i Jashtëm slloven, Karl Erjavec, në samitin e kryetarëve të shteteve përfshirë në procesin e “Brdo-Brion”-it, të mbajtur në Brdo, afër Kranjit, përcjell albinfo.ch.
Ai shtoi se BE-ja po përballet me shumë sfida, të tilla si migrimi, terrorizmi dhe Brexit, por theksoi se procesi që çon në zgjerimin duhet të mbetet objektivi kryesor i Bashkimit.

“Ne nuk mund të imagjinojmë ekzistencën e një “zone të gjelbër” në territorin e Evropës. Ne besojmë se një Ballkan i qëndrueshëm perëndimor kontribuon në stabilitetin e tërë BE-së”, tha Erejavec.

Ministri i Jashtëm kroat, Davor Ivo Shtyry, e konsideron shumë të rëndësishme për të ruajtur kredibilitetin e procesit të zgjerimit të BE-së.

“Vendet që dëshirojnë të bashkohen me BE-në duhet të kryejnë reforma, por kur plotësohen kriteret, dera për anëtarësim duhet të jetë e hapur”, ka thënë Shtyry.
Ai theksoi se zgjerimi do të priret të vendosë agjendën e BE-së, duke shtuar se procesi është në fakt më shumë “konsolodim i Evropës”, se sa zgjerim.