Bota
Skulpturat prej akulli në Sochi të Rusisë
Skulpturat prej akulli të krijesave të detit dhe një anije vikingësh, i kanë dhënë një tjetër pamje qendrës së skijimit ‘Krasnaya Polyana’ afër Sochit në Rusi.
Skulptori Nikolai Getman ka thënë se për realizimin e këtyre veprave të artit kanë qenë të nevojshme pajisjet e thjeshta siç janë lopata, gërshërët dhe daltat. “Bora është material fëmijësh në aspektin se çdokush mund ta ketë. Nuk duhen pajisje të avancuara për këto skulptura. Duhet të keni një lopatë, daltë dhe gërshërë”, ka thënë Getman.
Skulptorja amatore dhe vizitorja Galina Bolozyorova, edhe pse asnjëherë nuk ka realizuar një skulpturë akulli, me pak instruksione i ka dhënë formë skulpturës së saj, përcjell albinfo.ch.
“Të jem e sinqertë, kjo është hera e parë që po i mbaj këto instrumente në duar. Ata më mësuan se çfarë të bëj. Duket se po funksionon. Është aktivitet interesant”, ka thënë ajo. Banorja e zonës së qendrës së skijimit, ka thënë se skulpturat i kanë dhënë një pamje tjetër, duke e shndërruar në pjesë më të bukur. “Sivjet, krejt territori është transformuar, parku i gjelbër është i bukur, figurat nga bora janë edhe më të bukura. Jam e lumtur që resorti po zhvillohet në këtë formë”, ka thënë Anna Artamoshkina.
Temperatura në Sochi aktualisht nuk është aq e ulët. Ditëve të fundit arriti nga katër në gjashtë gradë celsius.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?