Tematike
Skepticizëm në rritje kundrejt migracionit
“Ajo që SVP-UDC, me titullin “imigrim masiv” e ka sjellë në opinion përmes frymës polemike, është bërë tashmë temë e madhe në medie
“Kohëve të fundit – pothuaj paralelisht me dorëzimin e iniciativës së radhës të SVP-së – shpeshtohen raportet mbi imigrimin dhe dukuritë që shoqërojnë atë. Bisedat e lidhura me vëzhgimet nga përditshmëria, rreth “trenave rrugëve të stërmbushur a”, janë bërë të thuash pjesë e detyrueshme e komenteve.
Por ndërkaq redaksitë marrin si mbështetje edhe fakte të qëndrueshme, respektivisht statistika. Në këtë kuptim, para dy javësh gazeta “NZZ am Sonntag” kishte shkruar në faqen e saj të parë: “Rritje masive e imigrimit nga BE-ja” dhe i kishte vënë komentit këtë titull: “Dhe sërish i themi mirëserdhe një qyteti”. (në kuptimin se numri i të ardhurve është sa ai i banorëve të një qyteti mesatar).
Edhe “Tages Anzeiger” e ka rritur ritmin e informatave nga politika e migracionit. Të premten madje kjo gazetë pledonte me gjysmë zëri, që në rast dyshimi, të aktivizohet “klauzola ventil” sa u përket të huajve nga Evropa e lindjes. Kjo, me arsyetimin se në këtë mënyrë i merren nga dora argumentet SVP-së.
Fundjavën e kaluar gazeta “Sonntag” raportonte lidhur me arratisjen në Zvicër të “evropianëve të zonës së krizës” dhe konstatonte një ndryshim mendimi te e majta zvicerane në drejtim të “linjës së fortë”, që kryeredaktori Patrik Müller e komentonte me dashamirësi.
Një ndryshim perspektive është i identifikueshëm. Çfarëdo që lidhur me politikën e migracionit vjen nga e djathta, nuk refuzohet ose injorohet më në mënyrë refleksive. Skepticizmi i redaksive kundruall migrimit po rritet. Njëkohësisht ato frikësohen nga fusha e minuar e paushalizimeve. Bie në sy se si relativizohen raportet kritike.
Gazeta “Sonntags-Zeitung” artikullin e saj mbi një politikan kosovar që kishte marrë ndihma sociale nga Zvicra, e shoqëronte me komentin se kjo sjellje “dëmton imazhin e bashkatdhetarëve të tij të ndershëm” .
“Sonntags-Blick” nga ana tjetër ka prezantuar një numër të huajsh, të cilët deklarohen për sjellje të mirë dhe kundër bashkatdhetarëve të tyre kriminelë. Dhe kryeredaktori me zëvendësin e tij celebrojnë lidhjen paqësore në mes të popujve përmes jetës së tyre private dhe profesionale.
Vetëm njëri (në këtë gazetë) e kultivon, relativisht të pa filtruar, temën e tij speciale, urrejtjen ndaj islamit: kolumnisti Frank A. Meyer.
Në përgjithësi duket se – së paku sa i takon shtypit – vlen deviza: tematizo, por me ndjenjën e masës. Një qëndrim i arsyeshëm.
Gazetat bulevardeske personalizojnë dhe shkurtojnë përmbajtjet më me dëshirë se sa mediet tjera. Por, edhe “Blick” nuk i aktivizon “topat e mëdhenj”. Në raste konkrete ai u shkon ashpër dhe nga afër gjërave, si për shembull në artikujt mbi “terror-kosovarin” nga Hochdorfi i Lucernit. Por njëkohësisht publikon edhe informata të tilla zbutëse, sikur për shembull, ai i botuar të enjten, me moton: “Ekonomia ka nevojë për të huaj. Pa të huajt Zvicra paralizohet”. (NZZ. Nga gjermanishtja. albinfo.ch)
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj