Sigurimi shëndetësor në Gjermani, më i shtrenjtë

Rritja do të jetë për rreth 0,8%

Raportohet se në Gjermani do të rriten nga viti i ardhshëm kontributet për siguracionet shëndetësore ligjore (gesetzliche Krankenkassen), ku janë të siguruar rreth 75 milionë të banorëve, përcjell albinfo.ch.

Të tjerët në Gjermani janë të siguruar në sigurime private.

Grupi i Ekspertëve ka llogaritur se për të mbuluar shpenzimet e tanishme të sigurimeve, kontributet tona duhet të rriten për rreth 13,8 miliardë euro në vit për të gjithë, që i bie rreth 0,8 për qind më shumë se tani. Sipas kësaj llogarie, kotributet duhet të shkojnë deri nga viti 2025 në rreth 2,5% të të ardhurave.

Ky është vetëm një rekomandim i Grupit të Ekspertëve, ndërsa për rritjen e kontributeve duhet të vendosin vetë sigurimet.

---