Koronavirusi: çast pas çasti
Si do ta festojnë amerikanët 4 Korrikun në mes të pandemisë
Plazhet janë të mbyllura, muzetë janë të mbyllura dhe guvernatori ka rekomanduar anulimin e fishekzjarrëve të zakonshme të 4 Korrikut në shumë pjesë të Kalifornisë.
SHBA, që sot shënon 244-vjetorin e lindjes, është në krye të listës së shteteve të botës për nga rastet me koronavirus prej 2,795,111 të tillë dhe me 129,437 vdekje deri më tani.
Me gjithë këto shifra, si duhet amerikanët ta festojnë 4 Korrikun e 2020-ës?
Shumë ngjarje festive janë organizuar që qytetarët të mund të shohin nga komoditeti i shtëpisë përmes aplikacioneve online.
Një kombinim faktorësh mund ta bëjnë këtë festë një “stuhi perfekte” të infeksioneve të koronavirusit, paralajmëroi një mjek – por vetëm për ata që nuk zgjedhin të festojnë në mënyrë të sigurt fundjavën e festave.
Hapja e qyteteve, njerëzit që nuk ndjekin udhëzimet parandaluese dhe njerëzit që udhëtojnë mund të shkaktojnë një goditje të shpejtë në shënimin e rasteve të reja me Covid-19, tha Dr. Joshua Barocas, një specialist i sëmundjeve infektive në Qendrën Mjekësore të Bostonit.
Por, nuk ka pse të jetë kështu nëse qytetarët amerikanë dëshirojnë të kenë një fundjavë më të sigurt të Ditës së Pavarësisë, sipas Erin Bromage, kontribues i CNN dhe profesor i biologjisë në Universitetin e Masaçusets Dartmouth.
“Ne duhet të jemi vigjilentë me atë që po bëjmë, kështu që mbajeni distancën, lani duart shpesh, vendosni një maskë kur nuk mund të respektoni distancën”, tha Bromage.
“Mbajeni distancën tuaj në pishinë dhe në plazh dhe nëse nuk mundeni, atëherë drejtohuni dhe shkoni në shtëpi”.
Kur bëhet fjalë për shfaqjet e fishekzjarrëve, Bromage tha se distanca është gjithashtu e rëndësishme.
“Nëse jemi të bllokuar në oborrin e shtëpisë së vogël, duke parë të gjitha këta fishekzjarrë, sepse kjo është dritarja e vetme që kemi, atëherë kjo nuk është ideja më e mirë e mundshme, por nëse në të vërtetë mund të krijoni distancë me familjen tuaj dhe familjet e tjera, atëherë mund ta bëni këtë me siguri”.
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë