Ekonomi
BE-ja, pa marrëveshje në luftën kundër pastrimit të parave
27 nga 28 vendet anëtare të Bashkimit Evropian nuk pranuan një propozim të Komisionit të BE-së për luftën ndaj pastrimit të parave
Si rrallë ndonjëherë, 27 nga 28 vendet anëtare të Bashkimit Evropian nuk pranuan një propozim të Komisionit të BE-së për luftën ndaj pastrimit të parave.
Komisioni pati prezantuar katër javë më parë një listë me 23 vende dhe territore “shumë të rrezikshme” që e refuzojnë këtë lloj lufte.
Me “listën e tij të zezë”, Komisioni kërkon që të detyrojë bankat në Bashkimin Evropian që të jenë të kujdesshme në bizneset e bëra me vendet që figurojnë aty.
Me pastrim parash BE-ja kupton futjen në qarkullim të fitimeve të pataksuara, duke blerë pasuri të patundshme ose duke futur paratë për kursim në numrat e llogarive bankare, transmeton “TCH”.
Këto fitime shpesh vijnë nga tregtia e drogës, prostitucioni apo krimi i organizuar, por jo vetëm. Arsyeja e refuzimit të listës është se në të shfaqet Arabia Saudite si dhe territore që janë pjesë e SHBA-së. Mendohet se është bërë një presion i madh diplomatik që të arrihet te refuzimi, përcjell albinfo.ch.
Në takimin e nivelit të lartë të BE-së me Ligën Arabe, të hënën e kaluar në Sharm el Sheik, kryeministrja britanike Theresa May dhe kancelarja gjermane Angela Merkel u takuan për bisedime bilaterale me mbretin saudit Salman ibn Abd al-Aziz, i cili, sipas “Financial Times”, thuhet të ketë paralajmëruar për pasoja financiare.
Një prej vendeve anëtare që kundërshton përpilimin e “listës së zezë” të Komisionit Evropian ishte edhe Holanda, e cila njihet si oazë taksash brenda bllokut.
Të ngjashme
Të tjera nga Ekonomi
E-Diaspora
-
Prime Travel, partneri juaj i udhëtimeve Agjencia Turistike ju ofron përvojën më të paharrueshme në udhëtime...
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë