Shkurt.ch
Shtetasi maqedonas paraqitet si polic dhe ia merr zviceranes 150 mijë franga
Pak orë më vonë u arrit të arrestohet personi që i kishte marrë paratë. Ai ishte një shtetas i Maqedonisë, me qëndrim në Kantonin Thurgau. I arrestuari ka pranuar veprën
Një grua 55 vjeçe nga regjioni i Kreuzlingenit (Kantoni Thurgau) ka marrë të martën e kaluar një thirrje telefonike nga një person i panjohur, i cili i ka folur në gjermanishten letrare, shkruan polizeinews.ch.
Ai është prezantuar si polic dhe i ka thënë se me rastin e arrestimit të një bande kriminelësh, janë gjetur shënime për të. Në fund “polici” mashtrues ia ka dalë ta bindte gruan se paratë dhe gjërat me vlerë të saj nuk janë të sigurta në shtëpi, transmeton albinfo.ch. Kështu, ata merren vesh që ajo t`i mbledhë ato dhe në kuadër të një “hetimi të fshehur” t`ia dorëzonte ato një “polici civil”.
Dorëzimi i parave e gjësendeve tjera me vlerë ndodhi pasditen e të martës në një parking, në Kreuzlingen. Vlera e dorëzuar e parave dhe stolive ishte mbi 150.000 franga.
Më vonë gruas së dëmtuar i lindi dyshimi dhe njoftoi Policinë Kantonale të Thurgaut. Në rrjedhën e masave të ndërmarra menjëherë, pak orë më vonë u arrit të arrestohet personi që i kishte marrë paratë, përcjell albinfo.ch. Ai ishte një shtetas i Maqedonisë, me qëndrim në Kantonin Thurgau. I arrestuari ka pranuar veprën.
Nën drejtimin e Prokurorisë publike të Kreuzlingenit Policia e Krimit në kuadër të Policisë Kantonale të Thurgaut është duke zhvilluar hetimet e mëtejme. Paratë dhe stolitë që i janë marrë gruas 55 vjeçare ende i nuk janë kthyer as nuk janë konfiskuar
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë