Shkurt.ch
Shqiptaro-zvicerani nominohet si kandidati i parë për zgjedhjet e Parlamentit nacional të Zvicrës
Të martën e 18 dhjetorit 2018 Partia Socialdemokrate (SP) e Kantonit St. Gallen (SG) bëri publike emrat e kandidatëve të parë për listën e parlamentarëve nacionalë nga radhët e saj. Njëri ndër ta është edhe nënkryetari i Partisë Socialdemokrate për Kantonin St. Gallen, Arbër Bullakaj, kandidat për ulëse në Parlamentin federal të Zvicrës në zgjedhjet e vitit 2019.
Qysh javën e kaluar SP e SG njoftoi se, pos Arbër Bullakajt dhe deputetit kantonal Dario Sulzer për zgjedhjet nacionale parlamentare do të garojnë edhe dy deputetet e deritashme nacionale Barbara Gysi dhe Claudia Friedli. Drejtoria e SP SG i propozon mbledhjes së delegatëve partiakë për nominim të kandidatëve më 18 janar 2019, përcjell albinfo.ch.
Arbër Bullakaj është nënkryetar i SP të Kantonit St. Gallen. Ndërmarrësi nga qyteti Will që nga viti 2013 përfaqëson SP në parlamentin e qytetit. Aty ai ka bërë emër në politikat financiare dhe sociale. Krahas kësaj, ai angazhohet për lehtësimin e marrjes së nënshtetësisë dhe njihet edhe si avokat politik për shoqatat kulturore dhe njerëzit me sfond migrimi. Ai si parim suprem të veprimeve të veta dhe si vlera të SP-së vendos barazinë, lirinë dhe solidaritetin, si qëllime edhe të Revolucionit Francez. Me angazhimin e tij ai dëshiron të përmirësojë barazinë e të gjithë njerëzve në shoqërinë tonë.
Arbër Bullakaj – shembull i aktivistit politik e shoqëror
Sekretari politik i SP-së të SG, Guido Berlinger-Bolt, i cili bashkëpunon me Arbër Bullakajn në kryesinë e SP-së që nga viti 2013, me rastin e propozim-nominimit deklaroi: “Kandidati Arbër Bullakaj falë angazhimit të tij të gjithanshëm për shoqërinë dhe SP-në posedon një përvojë shumë të madhe. Ai arrin që në një kohë të shkurtër të jetësoj praktikisht projekte të rëndësishme politike; ka aftësinë të ndërtojë ura komunikimi me kundërshtarët politik dhe të përdorë këto marrëdhënie për fitim të përgjithshëm. Është tip krijues që i rreket punës me përkushtim angazhues ndjek synime për të krijuar më shumë mundësi barazie”, shkruan Prointegra, përcjell Albinfo.ch.
Një deklaratë tjetër e bashkë-partiakut tjetër i Arbër Bullakajt, Raffael Sarbach, kryetar i njësisë zgjedhore, rezonon gjithashtu admirim: “Arbër Bullakaj ka 6 vjet që është përfshirë me sukses në Parlamentin e qytetit Will. Angazhimi i tij social, politik dhe sipërmarrës është shumë i njohur edhe përtej kufijve të qytetit. Si nënkryetar i SP-së të Kantonit St. Gallen, një sipërmarrës i suksesshëm dhe përfaqësues i angazhuar i Zvicrës multikulturore, Arbër Bullakaj ka krijuar një rrjet të fortë në të gjithë kantonin dhe më gjerë. Delegatët e St. Gallen-it në Bernë do të përfitonin shumë nga përvoja, aftësitë dhe ekspertiza e tij”.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri