Tematike
Shqiptarit të dënuar për vrasje nuk ia kompensojnë dështimin e operacionit
Nga koha kur i qe nënshtruar një operacioni për nxjerrjen e gurëve nga veshkat, në vitin 2003, ai vuan nga dhimbjet
Faton X është duke mbajtur dënimin për një vrasje të kryer në vitin 1998. Atëbotë ai qe akuzuar se bashkë me vëllanë dhe një person tjetër kishin vrarë një afarist zviceran, me porosi dhe pagesë të bashkëshortes së këtij të fundit. Vrasja pati bërë bujë të madhe në mediet zvicerane.
Ndonëse Fatoni nuk e kishte pranuar asnjëherë veprën me të cilën ngarkohej, ai qe dënuar për vrasje, me 18 vjet burg.
Ndërkohë, që nga koha kur i qe nënshtruar një operacioni për nxjerrjen e gurëve nga veshkat, në vitin 2003, ai vuan nga dhimbjet. Për të siguruar dëmshpërblimin për operacionin e dështuar ai kishte paditur fondacionin Inselspital, i cili e kishte refuzuar pa koment kërkesën e Fatonit.
Ndërkohë, një vendim i Gjykatës Administrative të kantonit të Bernës para disa ditësh thotë se “është e pakontestueshme që fondacioni Inselspital duhej t`i përgjigjej kërkesës”. Gjykata në fjalë tash vërteton se fondacioni në fjalë, me rastin e refuzimit të kërkesës ka gjetur gabime formale në përpilimin e saj, shkruan “Der Bund”.
Dhe, me këtë arsyetim, gjykata duket e kënaqur. Kjo nënkupton që ankesa e bërë nga Faton X është hedhur poshtë dhe nuk parashihet ndonjë kontest tjetër gjyqësor. Sipas gjykatës, dy kushte formale duheshin plotësuar që ankuesi të merrte dëmshpërblimin: të vërtetohej se ai nuk ka të ardhura, dhe që gjasat për sukses të procedurës të jenë të mira.
Kushtin e parë ai e plotësonte me vetë faktin se ndodhej në burg dhe nuk kishte të ardhura. Ndërsa të dytin, nuk e plotësonte për faktin se dy mjekët që Fatoni i akuzonte për operimin e dështuar, ndërkohë janë liruar nga një akuzë e bërë për shkaktim të lëndimit të rëndë trupor nga pakujdesia.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?