Lajme
Në Winterthur u shënua 110-vjetori i pavarësisë së Shqipërisë
110-vjetori i pavarësisë së Shqipërisë u shënua edhe në Winterthur të Zvicrës, ku në fakt, u manifestua Dita e Flamurit dhe Pavarësisë së Shqipërisë, bashkë me përvjetorin e themelimit të kësaj qendre kulturore.
Sikurse në vendet tjera ku jetojnë shqiptarët, edhe ata të Zvicrës e pritën këtë festë me emocione atdhedashurie.
SHKA „Dardania“, si nikoqire dhe organizatore e kësaj feste, duke shënuar 28-vjetorin e saj të themelimit festoi me qindra pjesëmarrës të ftuar që kishin ardhur nga vende të ndryshme të Zvicrës, transmeton albinfo.ch.
“Bashkatdhetarët asnjëherë nuk janë ndarë të zhgënjyer nga repertori dhe programi artistik, si dhe nga dekorimet e sallës dhe skenës në raste të tilla, e cila po e ruan me fanatizëm artin dhe kulturën shqipe ndër dekada në Zvicër. Këtë manifestim e madhështuan edhe dy projekte të financuara edhe nga Ministria e Jashme dhe e Diasporës së Republikës së Kosovës: bëhet fjalë për ekspozitën e fotografive nga Arian Mavriqi dhe për një film të shkurtër, sjellë nga Lavdim Klaiqi”, thuhet në njoftim.
I pranishëm në këtë ngjarje ishte edhe Sami Kastrati, konsull i përgjithëshëm i Republikës së Kosovës në Cyrih, derisa pjesëmarrësit i përshëndeti pëmes një letre Ambasadori i Shqipërisë, Ilir Gjonit, dhe ushtruesja e detyrës në Ambasadën e Republikës së Maqedonisë Veriore, Melehat Muftarovska.
Ndërsa në një fjalë rasti, kryetari i qendrës kulturore, Shefqet Cakolli, u shprehu falënderime të gjithë atyre që po kontribojnë në realizimin e manifestimeve të tilla qoftë në mënyrë artistike apo forma të tjera. Ai foli edhe për rëndësinë e festës së flamurit, duke shpresuar që kjo festë edhe në të ardhmen të shërbejë si frymëzim dhe reflektim në bashkimin intelektual e shpirtëror, si dhe të forcojë ndjenjat e atdhetarizmit drejt kurorëzimit të ëndrrës së kamotshme për bashkimin e trojeve shqiptare.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë