Shqipëria
Shqipëria renditet në vend të dytë në botë për azilkërkim
Shqipëria, vendi i dytë në botë në raport me popullsinë, rriten sërish kërkesat për azil nga shqiptarët
Tani më kërkesat për azil nga shqiptarët në një nga vendet e Bashkimit Europian kanë shënuar rritje në korrik për të dytin muaj radhazi, pasi ishin reduktuar ndjeshëm në periudhën e karantinës. Sipas statistikave të publikuara nga Zyra Europiane e Azilantëve (EASO), në korrik kërkesat për azil për herë të parë dhe riaplikime nga shqiptarët ishin 505 në total. Në krahasim me qershorin, kërkesat për azil janë rritur me 28%, përcjell albinfo.ch.
Me izolimin nga pandemia, kërkesat për azil ranë ndjeshëm, duke zbritur në vetëm 90 në maj. Për 7-mujorin, aplikimet ranë me 72%, në raport me të njëjtën periudhë të një viti më parë. Por, në korrik Shqipëria, ndonëse është e 14-a për aplikimet për azil, u rendit e dyta, në raport me popullsinë, sipas të dhënave të EASO dhe popullsisë përkatëse të vendeve kryesore azilante të përpunuara nga Monitor.
Duhet thekasuar se Siria është e para në botë, me 35 aplikime për azil për 100 mijë banorë. Shqipëria vjen e dyta, ndonëse në numër ka më pak aplikantë se Afganistani, Venezuela, Kolumbia, Iraku, Pakistani, Turqia etj, kjo ngase ka një popullsi shumë më të ulët. Në korrik, nga Shqipëria kishte gati 18 aplikime për 100 mijë banorë.
Në vend të tretë është Gjeorgjia (14.4), më pas Venezuela (13.3) dhe i pesti është shteti tjetër shqipfolës, Kosova, me 10.2 aplikime për 100 mijë banorë në korrik.
Shqiptarët janë këmbëngulës për të ikur, teksa sipas EASO, kanë një numër të lartë riaplikimesh.
Ikin të rinjtë
Të dhënat e mëparshme të publikuara nga Eurostat treguan se pjesa më e madhe e aplikimeve për azil nga Shqipëria po bëheshin nga të rinjtë. Nga janari i vitit 2019 deri në gusht të 2020-s kanë aplikuar për azil në një nga shtetet e Bashkimit Europian dhe të tjera rreth 30.5 mijë shqiptarë, sipas të dhënave të publikuara nga Eurostat dhe të përpunuara nga Monitor.
Pjesa më e madhe e atyre që po ikin janë të rinj. Të dhënat e Eurostat bëjnë të ditur se 23.8 mijë persona, ose 78% e totalit të aplikimeve për këtë periudhë ishin deri në 34 vjeç.
Shumë e lartë është ikja e minorenëve. Në periudhën janar 2019-gusht 2020 ka pasur 6,895 aplikime për azil nga minorenët më pak se 17 vjeç, që përbën rreth 29% të aplikimeve nën 34 vjeç, ose 23% të totalit.
Të ngjashme
Të tjera nga Shqipëria
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit