Lajme
Shqipëria përcolli tolerancë fetare në Paris
Gjatë parakalimit para qindra mijëra francezëve, kleri mysliman, katolik, bektashian dhe ortodoks i Shqipërisë, ecën të bashkuar dhe u duartrokitën për tolerancë fetare
Uniteti që reflektuan klerikët fetarë shqiptarë në Marshin e Unitetit në Paris u bë temë lajmesh në shumë media të botës. Ndërsa gjatë parakalimit para qindra mijëra francezëve, kleri mysliman, katolik, bektashian dhe ortodoks, u duartrokitën për tolerancën fetare në Shqipëri.
Kryetari i Këshillit të Përgjithshëm të Komunitetit Mysliman Shqiptar dhe Myftiun e Tiranës, Ylli Gurra, i cili është pjesë e delegacionit shqiptar në Paris, tha se Shqipëria në Paris përçoi mesazhin e tolerancës dhe u përshëndet nga të gjithë.
“Falënderoj kryeministrin që si pjesë të delegacionit bëri edhe komunitetet fetare, si shprehje e një bashkëjetese që duhet të na bëjë krenarë ne shqiptarëve. Prezenca jonë është dëshmi e gjallë se ne jemi për paqen dhe jetën. Ka pasur shumë interes nga mediat ndërkombëtare për delegacionin tonë kur kryem homazhet për gazetarët e ‘Charlie Hebdo’. Ata u çuditën dhe na përcollën respektin e tyre”, tha myftiu i Tiranës.
Jo pak të çuditur, francezët dhe qytetarë të tjerë nga mbarë bota duartrokitën dhe brohoritën si mesazhin kuptimplotë të parakalimit të përbashkët të përfaqësuesve të katër komuniteteve fetare në Shqipëri, që ishin pjesë e delegacionit shqiptar të kryesuar nga Kryeministri Edi Rama.
“Nuk ka Zot, nuk ka Profet dhe nuk ka fe që inkurajon vrasjen e njerëzve, që inkurajon përçarjen dhe që inkurajon shfarosjen e një pjese në emër të një pjese tjetër”, është shprehur kryeministri Rama, sipas të cilit, “sot jemi të gjithë Francë dhe çdo vend që ka përfaqësuar vlerat e lirisë është i kërcënuar gjithashtu”.
Ndryshe, në Marshin e Unitetit në Paris ishte e pranishme edhe presidentja e Kosovës, Atifete Jahjaga dhe zëvëndëskryeministri Hashim Thaçi.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri