Futboll

Shqipëria dhe Kosova, në një grup

Zvicra ndodhet në grup me Francën, Sllovakinë, Gjeorgjinë, Azerbajxhanin dhe Lihtenshtajnin

E martë, 11 Dhjetor 2018 - 12:40 albinfo.ch

Shorti ka qenë i ‘pamëshirshëm’ në Nion të Zvicrës në kualifikueset e Euro 2021 për 21-vjeçarët.

Shqipëria dhe Kosova përballë njëra-tjetrës në kualifikueset që do të nisin në muajin mars të vitit të ardhshëm dhe përfundojnë në tetor, shkruan albinfo.ch.

Të dyja përfaqësueset shqiptare bëjnë pjesë në Grupin 3 (nga 9 gjithsej) së bashku me Anglinë, Austrinë, Turqinë dhe Andorrën.

Një grup vërtet shumë i vështirë, duke marrë në konsideratë faktin që si Anglia ashtu dhe Austria janë skuadra shumë cilësore.

Kujtojmë që Kosova ishte pjesë e vazos së katërt në këtë short, ndërkohë që Shqipëria u pozicionua një vazo më poshtë, pra në të 5-tën.

Zvicra ndodhet në grup me Francën, Sllovakinë, Gjeorgjinë, Azerbajxhanin dhe Lihtenshtajnin.

Ndeshjet nisin në mars të 2019-ës e përfundojnë në tetor të vitit 2020.

 Të ngjashme

Privilegj apo sfidë? Një brez mes rrënjëve dhe horizonteve të reja

 Të tjera nga Futboll

Si do ta menaxhojë Zvicra dëmtimin në gju të Johan Manzambi-t?

 E-Diaspora

 Jeta në Austri