Shoferët që po përballen me mijëra franga gjoba

(KEYSTONE/Urs Flueeler)

Disa shoferë, të cilët mund të kenë menduar se po tregoheshin të zgjuar, përballen me mijëra franga gjoba.

Atyre madje mund t’u pezullohet licenca kur u përpoqën të ndërpresin linjën e gjatë për tunelin Gotthard gjatë fundjavës, transmeton albinfo.ch.

Kur radhët janë të gjata, është praktikë e zakonshme që policia të mbyllë hyrjet më afër tunelit për të ndaluar trafikun që devijohet në rrugët anësore me shpresën për të kërcyer në radhë.

Por kjo bëri që disa shoferë të përpiqeshin të hynin në autostradë, duke përdorur korsitë e daljes – që do të thotë se ata vozitën në rrugën e gabuar.

Shumë mund të mendojnë se ia kanë dalë mbanë – por shkelësit janë kapur në kamera dhe rrezikojnë gjoba ose edhe më keq.