Shoferët nga Zvicra “fluturojnë” shpesh në radarët gjermanë

Pothuajse 14.000 herë ngasës të shpejtë ‘raser’ zviceranë, me më shumë se 20 kilometra në orë, vitin e kaluar ranë në radarët e policisë gjermane

Dhjetëra-mijëra shoferë automjetesh zvicerane po udhëtonin shumë shpejt në rrugët gjermane vitin e kaluar. Tani policët po kërkojnë ndëshkime më të ashpra.

Në autostradat në shtetin fqinj të Baden-Wuerttemberg, gati 55 mijë shoferë me targa të Zvicrës kanë tejkaluar shpejtësinë vitin e kaluar, siç njoftohet nga autoritetet në Karlsruhe, raporton 20 min, përcjell albinfo.ch. Brenda vetëm dy vjetëve, kjo shifër u rrit me 37 për qind.

Pothuajse 14.000 herë ngasës të shpejtë ‘raser’ zviceranë, me më shumë se 20 kilometra në orë, vitin e kaluar ranë në radarët e policisë gjermane.

Kështu, Zvicra është vendi i parë në statistikat e shkelësve të trafikut të huaj, edhe përpara Holandës.