Numër rekord i rasteve të reja me koronavirus në Shqipëri

Ministria e Infrastrukturës/FB

Katër të infektuar me koronavirus kanë ndërruar jetë dhe 58 të tjerë janë shëruar, derisa janë regjistruar 301 raste të reja me COVID-19, gjatë 24-orëve të fundit në Shqipëri.

Në krahasim me ditën e djeshme, sot janë bërë më pak testime, 1 mijë e 407, teksa dje ishin 1 mijë e 413, ndërsa janë shënuar më shumë raste të reja, si asnjëherë tjetër më parë, 301 brenda 24 orëve.

Deri tani në Shqipëri, 458 persona kanë vdekur si pasojë e infektimit me virusin korona, derisa janë shëruar gjithsej 1 mijë e 225 të prekur me këtë virus.

Aktualisht, në këtë shtet janë 6 mijë e 968 raste aktive me COVID-19.