Shembet ura në Itali, sëpaku 11 të vdekur

Ura e shembur është ndërtuar në 1960 dhe njihet me emrin "Morandi", shkruan albinfo.ch.

KEY

Në qytetin port italian Xhenova, kanë vdekur disa persona dhe janë plagosur shumë të tjerë, në momentin kur një urë autostrade është rrëzuar, shkruan albinfo.ch. Sipas përshkrimit të dëshmitarëve okulare shumë automjete u rrëzuan në thellësi. Sëpaku 11 mbetën të vdekur, thonë nga ministria e brendshme italiane.

Forcat e shpëtimit po përpiqen të nxjerrin njerëzit e bllokuar në makinat e tyre nën rrënoja.

Ura e ndërtuar në vitet 1960 është e njohur si “ura Morandi”. Pjesa e shembur është rreth një kilometër e gjatë dhe ngrihet mbi një pjesë të shtratit të lumit Polcevera. E përditshmja italiane “La Repubblica” e përshkruan atë pjesë të qytetit si shumë të banuar.

Shkak për shembjen e urës mund të jetë bërë një defekt strukturor. Autostrada është mbyllur në drejtimin Xhenova-Savona dhe gjithashtu në drejtimet Milano-Xhenova dhe Xhenova-Aeroport.