Bota

SHBA sërish nuk nënshkruan marrëveshje për klimën

E shtunë, 29 Qershor 2019 - 15:25 albinfo.ch

Shtetet anëtare të G20-ës nënshkruan sot në Osaka të Japonisë një marrëveshje për klimën, me përjashtim të SHBA-së, si gjatë dy samiteve të mëparshme, njoftuan sot pala franceze dhe ajo gjermane.

“Teksti për klimën u miratua”, bëri të ditur grupi shoqërues i presidentit Emmanuel Macron, pak përpara seancës përmbyllëse të G20-ës.

Kjo marrëveshje, në formatin 19+1, rikonfirmon mbështetjen e 19-shes, përfshirë Kinën, Francën dhe Gjermaninë, për marrëveshjen kryesore në luftën kundër ngrohjes klimatike, të nënshkruar më 2015, në Paris, ndërsa SHBA-ja u tërhoq më 2017, shkruan Atsh, përcjell Albinfo.ch.