SHBA: Oficeri i FSK-së diplomon në Inxhinieri Ushtarake

Kapiten Kemajl Haliti ka përfunduar me sukses “Kursin e Karrierës së Kapitenit Inxhinierik” në Fort Leonard Wood, Missouri, të Shteteve të Bashkuara të Amerikës, përcjell albinfo.ch.

Trajnimi kishte për qëllim përgatitjen për oficer inxhinierë të nivelit të mesëm me njohuri dhe aftësi të nevojshme për të udhëhequr dhe menaxhuar në mënyrë efektive operacionet inxhinierike në nivel kompanie dhe regjimenti, duke i përgatitur ata për rolet e stafit dhe pozicionet komanduese, duke u fokusuar në parimet e avancuara inxhinierike, planifikimin taktik, vendimmarrje ushtarake, krijimi dhe zhvillimi i lidershipit brenda kontekstit të inxhinierëve luftarakë.

Nga 75 oficerë, 16 prej tyre ishin oficerë nga vendet, si: Arabia Saudite, Benini, Brazili, Indonezia, Kosova, Koreja Jugore, Gjermania, Bregu i Fildishtë, Tunizia, Italia, Mbretëria e Hashimetit- Jordani, Kuvajti dhe Lituania, gjithsej 16 oficerë të huaj në mesin e 75 studentëve oficerë.