Shaqiri nuk luan në Serbi

(KEYSTONE/Laurent Gillieron)

Më 25 mars kombëtarja e Zvicrës luan kundër Bjellorusisë në Novi-Sad të Serbisë. Megjithatë futbollisti shqiptar, Xherdan Shaqiri, nuk do të luajë të shtunën me kombëtaren, ka njoftuar Federata e Futbollit të Zvicrës, përcjell albinfo.ch.

Në njoftimin për ndryshimin e ekipit thuhet që “trajneri i Kombëtares Murat Yakin do vazhdojë pa shërbimet e Xherdan Shaqirit dhe Gregor Kobelit për ndeshjet kualifikuese të Kampionatit Evropian ndaj Bjellorusisë dhe Izraelit”, përcjell albinfo.ch.

Shaqiri nuk luan për shkak të një lëndimi, bëhet e ditur nga federata. “Xherdan Shaqiri nuk do të luajë me ekipin kombëtar për shkak të një problemi me muskuj”, thuhet tutje në komunikatë.

Goalie Gregor do të zëvendësohet me Jérémy Frick që do të luajë për ekipin e parë për herë të parë.

Më 20 mars kombëtarja e Zvicres mblidhet për përgatitje, më 25 mars zhvillon ndeshjen kundër Bjellorusisë në Novi-Sad të Serbisë dhe më 28 mars në Gjenevë luan kundër Izraelit.