Shaqiri, në njëmbëdhjetëshen e parë të Bajernit?

E gjithë kjo tregon se Bajerni e ka seriozisht kur llogarit dhe investon te Shaqiri që ai të bëhet lojtar titullar

Më të riut të Bajernit, yllit shqiptar nga Zvicra, Xherdan Shaqiri duket se do t`i buzëqesh fati. Ai ka hyrë tashmë në njëmbëdhjetëshen e parë të klubit më të madh gjerman të futbollit!  Nejse, fillimisht bëhet fjalë për një njëmbëdhjetëshe të kombinuar për fotografinë zyrtare të FC Bayernit.

Mirëpo, përse në këtë “improvizim “nuk gjenden sikur ai edhe lojtarët tjerë të rinj të kësaj skuadre, si Pizarro, Dante? Po ashtu aty nuk figurojnë as të njohurit si Boateng, Guytravo ose Timoschtschuk…

E gjithë kjo tregon se Bajerni e ka seriozisht kur llogarit dhe investon te Shaqiri. Në rast se ai do të angazhohet edhe praktikisht si lojtar titullar në njëmbëdhjetëshin e parë, gjasat janë që këtë ta bëjë në repartin e mbrojtjes, në krah të NBadstuber, Lahm dhe Alaba.

Duket se “erën” e angazhimit të Shaqirit si titullar e ka ndjerë edhe ylli i Bajernit Robben, në raport me të cilin zakonisht gazetat gjermane e lakojnë emrin e yllit nga Kosova. Ai e ka ndjerë të nevojshme që të thotë për mediet se “e di që Shaqiri e pretendon vendin e tij në skuadër, por që nuk i frikësohet atij”.