Serbia gjobitet mbi 87 mijë franga zvicerane për shkeljet në ndeshjen me Shqipërinë

FIFA gjobit rëndë Federatën e Futbollit të Serbisë pas ndeshjes me Shqipërinë

Bëhet e ditur se Federata e Futbollit e Serbisë është gjobitur rëndë nga FIFA për shkeljet e shumta në ndeshjen ndaj Shqipërisë në Leskovc, transmeton albinfo.ch.

Kujtojmë se muajin e kaluar kuqezinjtë fituan 1:0 me golin e Rey Manajt, kurse serbët fishkëllyen himnin shqiptar dhe bënë fyerje të tjera ndaj shqiptarëve gjatë ndeshjes.

Kjo i ka kushtuar federatës serbe me gjobë prej 87 mijë e 500 franga zvicerane dhe mbyllje të 25 për qind të stadiumit për tifozë, për ndeshjen e ardhshme me Letoninë.

Federata serbe dënohet rregullisht për fyerjet ndaj Kosovës dhe shqiptarëve.

---