Serbet festojnë Vidovdanin’ me parulla “Nuk ka ndarje, Kosova është pjesë e Serbisë”

Nga veriu i Mitrovicës, drejtori i Zyrës për Kosovën në Qeverinë e Serbisë, Marko Gjuriq, ka folur për projektet që Serbia deri në fund të këtij viti do t’i realizojë. Gjuriqi ka theksuar se Kosova është vendi më i mirë për ta festuar ‘Vidovdanin’.
“Sot këtu në Zubin Potok dëshmoj të ju njoftoj se shteti i Serbisë i cila po realizon 149 projekte të ndryshme në Kosovë në përkrahje të popullit serbë. Deri në fund të këtij viti kjo shifër do të shkojë mbi 350 projekte”, ka thënë ai, transmeton albinfo.ch.
Në Gazimestan me pankarta dhe mesazhe nacionaliste serbët kanë festuar Vidovdanin.
Nën përcjelljen e policisë dhjetëra pelegrinë serbë kanë arritur në Gazimestan
Këtu peshkopi Atanasije Jevtiq Gazimestanin e ka quajtur vend të fitoreve, ndërsa NATO-në e ka quajtur organizatë terroriste.
Përveç parullave nacionaliste si “Kosova është Serbi”, “Nuk ka dorëzim” në fund të kësaj feste është shpalosur edhe një parullë me mbishkrimin “Nuk ka ndarje, Kosova është pjesë e Serbisë”.