Schlumpf, ministrja më e njohur në vend

78 për qind e zviceranëve e njohin zonjën Eveline Widmer Schlumpf, ministre e financave dhe aktualisht presidente e vendit. Në të vërtetë, në mesin e rreth 1000 të anketuarve nga “SonntagsBlick”, del se kjo përqindje e njeh presidenten e vendit. Menjëherë pas saj vjen për nga popullariteti ministrja Doris Leuthard dhe ministri Ueli Maurer.

Leuthard është e njohur për 74% të të anketuarve ndërsa Maurer për 67% prej tyre.

Më së paku i njohur në mesin e ministrave federalë të Zvicrës rezulton ministri i ri Alain Berset. Vetëm 41 për qind të persoanve të anketuar kanë idenë se kush është ai.

Ministrja Simonetta Sommaruga vjen në radhë me 59% ndërsa ministri Didier Burkhalter me 57%.

Por një gjë tjetër që ka konstatuar sondazhi është edhe rritja e popullaritetit të minsitrave në krahasim me një vit më parë.

Kështu Eveline Widmer-Schlumpf në bazë të këtij sondazhi gëzon 24% më shumë popullaritet se para një viti. Po kështu 24% më shumë e njohin këtë vit Ueli Maurerin se sa një vit më parë. Ndërsa Doris Leuthard rezulton 20% më e njohur se tash një vit.