Salzburgu U19 në finale, Dijon Kameri i shënon gol Atletiko Madridit

Foto:Dijon Kameri/ Twitter/FC RB Salzburg

Mesfushori shqiptar që luan me skuadrën Salzburg U19, Dijon Kameri, po vlerësohet si një prej lojtarëve më të talentuar në Austri.

18-vjeçari Kameri të premten në mbrëmje kontribuoi me një gol të shënuar për të rinjtë e gjigantit austriak, në fitoren 5:0 në udhëtim tek Atletiko Madridi U19 në “UEFA Youth League”.

Me këtë fitore, Salzburgu shkon në finale të garës, ku të hënën do të luajë me Benfican që e eliminoi Juventusin në penallti 4:3, pasi loja e rregullt dhe vazhdimet përfunduan 2:2. Te Juventusi u aktivizua Luis Hasa.

Kameri asistoi në golin e parë që u shënua nga Roko Simiq, ndërsa e shënoi golin e tretë të skuadrës së tij në minutën e 44-t, pas një gjuajtje shumë të fuqishme. Simiq asistoi për të.