Sa kushton prerja e flokëve në Cyrih?

Cyrihu është në vendin e tretë në botë për çmimin e shtrenjtë për të prerë flokët për meshkujt

Cyrihu është një nga qytetet më të shtrenjta në Evropë dhe në botë, madje për shumë shpenzime e mban vendin e parë ose është në top-5.

Për prerjen e flokëve është në vendin e tretë në botë për meshkuj, shkruajnë mediat zvicerane, përcjell albinfo.ch.

41 dollarë kushton për të prerë flokët në Cyrih, dhe më shtrenjtë është vetëm në Kopenhagë dhe Oslo me 48, përkatësisht 45 dollarë.

Në Nju Jork dhe Boston kushton 28 dollarë, derisa 14 kushton në Shangai. Por, sigurisht se meshkujt janë shumë me fat se gratë. Për të prerë flokët gratë në Cyrih duhet të paguajnë 74 dollarë, kurse 90 në Gjenevë. Më së shtrenjti është në Nju Jork, 210 dollarë.

---