Sa franga i dërgojnë emigrantët në vendet e tyre?

"Nëse kaq shumë para rrjedhin në atdhe, mund të supozohet se shuma e konsiderueshme vjen nga ndihmat sociale"

Çdo vit emigrantët në Zvicër dërgojnë miliarda franga zvicerane në vendet e tyre të origjinës. Në vitin 2000 shuma arriti në rreth 3 miliardë, ndërsa në vitin 2015 kishte arritur tashmë në rreth 7 miliardë. Sipas Zyrës Federale të Statistikave, kjo është për shkak të liberalizimit ekonomik, migrimit në rritje dhe rritjes së imigracionit të shkolluar dhe punës që paguhet më mirë.
“20min” shtron dyshimet se si pjesë e remitencave mund të jenë edhe ndihmat sociale që i kanë kursyer emigrantët për t’i dërguar në shtëpitë e tyre.
Rreth 81 për qind e refugjatëve somalezë në Zvicër morën ndihmë sociale në vitin 2015, ndërsa numri i refugjatëve eritrejanë ishte 84 për qind.
“Nuk mund të përjashtohet që refugjatëve të mund t’u kenë mbetur para për t’i dërguar edhe në shtëpitë e tyre”, thotë për “20min” Stefan Frey nga “Swiss Refugee Relief”.
Deputetët Lorenzo Quadri dhe Pirmin Bischof nga CVP donin të dinin me saktësi dhe kërkuan nga Këshilli Federal se sa nga të ashtuquajturit “Remers” erdhën nga ndihma sociale.
“Nëse kaq shumë para rrjedhin në atdhe, mund të supozohet se shuma e konsiderueshme vjen nga ndihmat sociale”, thotë Bischof.
“Nëse kjo do të konfirmohet, duhet të reagojnë dhe në vend të parave, të ndajnë drejtpërdrejt ushqime ose kupona ushqimorë”.
Ndërsa Quadri thotë të ndërmerren “masa korrigjuese në formën e zvogëlimit të përfitimeve sociale”.
Sidoqoftë, mbetet e paqartë se sa remitenca vijnë në të vërtetë nga ndihmat sociale. Këshilli Federal shkruan se do të mbledhë informacionit nga të gjitha institucionet e pagesave dhe do të rrisë kontrollin doganor.
“Këshilli Federal e konsideron një ndërhyrje të tillë në pagesat, udhëtimet ndërkombëtare dhe shpenzimet administrative të lidhura me të që janë joproporcionale”. Është thelbësore që kantonet të sigurojnë që shuma e ndihmës sociale të përcaktohet vetëm nga nevoja për konsum të brendshëm.
Konferenca Zvicerane e Enteve për Ndihma Sociale (Skos) thotë se ofron udhëzime për kantonet se sa ndihma sociale duhet të ndajnë për familjet me nevojë.