Kuriozitete
Sa duhet të punojnë gratë për të mos rënë në depresion
Gratë që punojnë gjatë ditëve të pushimit rrezikohen rreth 4.6 për qind më shumë të vuajnë nga depresioni në krahasim me ato që punojnë vetëm gjatë ditëve të javës
Gratë të cilat punojnë mbi 55 orë në javë rrezikohen të preken nga depresioni, sipas një studimi të kryer së fundmi i cili tregon gjithashtu se e njëjta gjë vlen edhe për burrat.
Në këtë studim në të cilin u intervistuan rreth 20,000 të rritur dhe që u publikua në gazetën “BMJ Epidemiology & Community Health”, u zbulua se gratë që punojnë mbi 55 orë në javë rrezikohen 7.3 herë më shumë të vuajnë nga depresioni në krahasim me gratë që punojnë nga 35-40 orë në javë.
Gratë që punojnë gjatë ditëve të pushimit rrezikohen rreth 4.6 për qind më shumë të vuajnë nga depresioni në krahasim me ato që punojnë vetëm gjatë ditëve të javës, transmeton ‘monitor’.
Ndërsa burrat që punojnë gjatë ditëve të pushimit rrezikohen rreth 3.4 për qind më shumë se burrat që punojnë vetëm gjatë ditëve të javës, përcjell albinfo.ch.
Shkaqet që çojnë në përfundime të tilla janë të shumta, por sipas Gill Weston, profesore doktore në Universitetin e Londrës, gratë që punojnë edhe gjatë fundjavave punojnë në sektorin e shërbimit dhe përballen me një nivel më të lartë stresi, që duke i shtuar edhe nivelin e ulët të pagës, përbëjnë elementët kryesorë që i shkaktojnë këtyre personave një niveli më të lartë depresioni.
Studimi zbuloi gjithashtu se gratë të cilat bëheshin nëna kishin tendencë të punonin më pak orë sesa ato që nuk kishin fëmijë. Ndërsa e kundërta ndodhte tek burrat që bëheshin me fëmijë, të cilët punonin më shumë sesa ata që nuk kishin fëmijë.
Simptomat depresive në këtë studim u nxorën duke i bërë të anketuarve një pyetësor me pyetje të përgjithshme rreth shëndetit.
Të ngjashme
Të tjera nga Kuriozitete
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri